THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

ZAIDI YA WALEMAVU IO8 WALIOMKIMBILIA KWA RC MAKONDA WANEEMEKA

Zoezi la ugawaji wa Miguu ya kisasa ya bandia kwa watu wenye ulemavu wa Miguu awamu ya pili limeanza jana, ikiwa ni Kampeni iliyoanzishwa na Mkuu wa Mkoa wa Dar es salaam Mhe. Paul Makonda ya kuwapatia Miguu ya kisasa inayowawezesha kufanya shughuli za uzalishaji Mali Kama awali ambapo imejidhihirisha kuwa RC Makonda akiahidi jambo analitimiza kwa vitendo na sio Siasa.

Katika awamu ya pili iliyoanza jana zaidi ya Walemavu 108 wamepatiwa Miguu ya kisasa ya Bandia ambayo inakadiriwa Mguu mmoja unagharimu kiasi cha shilling million 2 hadi 3 ambapo yote kwa pamoja ni Shilling Million 324,000,000 lakini kwa jitiada za RC Makonda wamepatiwa Miguu hiyo Bure.

Katika awamu ya Kwanza jumla ya Wagonjwa 35 wa kisukari walipatiwa miguu ya kisasa ya bandia yenye thamani ya Shilling million 157 kutoka CCBRT na kufanya jumla ya walemavu waliopatiwa miguu hiyo kufikia 143 yenye thamani ya Million 481 Bure.

Baadhi ya Walemavu waliopatiwa Miguu hiyo wamemshukuru RC Makonda kwa moyo wa pekee wa kuwajali wananchi wake kwa kuzingatia makundi yote kwenye jamii ambapo wamesema kwa sasa wataenda kufanya kazi na kuachana na utegemezi.

Aidha wameishukuru kampuni ya Kamal Group kwa kumuunga mkono RC Makonda kutimiza maono yake ya kuwawezesha walemavu kupata miguu ya kisasa inayowawezesha kufanya shughuli za kujiingizia kipato.
  Baadhi ya Walemavu 108 wamepatiwa Miguu ya kisasa ya Bandia ambayo inakadiriwa kuwa Mguu mmoja unagharimu kiasi cha shilling million 2 hadi 3 ambapo yote kwa pamoja ni Shilling Million 324,000,000 lakini kwa jitihada za RC Makonda wamepatiwa Miguu hiyo Bure.
 Iliuwa ni furaha kwa Walemavu hao kupatiwa miguu ya bandia bure
  Miguu ya kisasa ya Bandia ikiwa tayari kugaiwa kwa walengwa


Mkoa wa Mtwara waanza Uhamasishaji kutokomeza mimba za Utotoni/Utoro

Mkoa wa Mtwara Umeanza Kufanya Uhamasishaji wa Kuondoa Mimba za Utotoni na Wanafunzi wanaoacha Shule kutokana na Sababu Mbalimbali zinazowakumba Wanafunzi wa Kike kwa Njia ya Sanaa ya Maigizo.

Kupitia kituo cha Sports Development Aid (SDA) tayari kimefanya Mafunzo ya Sanaa ya Maigizo kwa Kuwatumia Waigizaji wenye Mafanikio kwa lengo la kutoa elimu kwa Wanafunzi wa Jinsia zote katika Shule ya Sekondari ya Shangani.

Kituo cha SDA tayari kimeanza Kutoa Mafunzo ya Elimu ya Jinsia kwa shule za Mtwara mjini na Vijijini kwa Kutumia njia ya Michezo, ambapo imekuwa ikigawa Vifaa vya Michezo pamoja na Kukarabati Viwanja Michezo vya Shule.
 Msanii wa Maigizo Yvone Sherry (Monalisa)Akiongea na Wanafunzi wa Shangani Sekondari mkoani Mtwara pamoja kusimamia Igizo La Elim ya Jinsia kwa njia ya Maigizo.
 Viongozi wa Kituo cha Sports Development Aid (SDA) ambao ndio waandaaji wa Mafunzo hayo wakiongea na Wanafunzi wa Sekondari ya Shangani Iliyopo mkoani Mtwara.
 Pichani ni Afisa taalum wa Mkoa wa Mtwara Masalanga akiongea na Wanafunzi wa Sekondari ya Shangani katika Mafunzo kupitia Sanaa ya Maigizo.


One on ONe Gossip


INTRODUCING "ULINGO" BY ENGINE


MAGAZETI YA LEO JUMAMOSI JANUARI 20, 2018


KATIBU MKUU WA CCM KINANA AKUTANA NA BALOZI WA CHINA HAPA NCHINI TANZANIA

 Katibu Mkuu wa CCM Komredi Abdulrahman Kinana akizungumza na Balozi wa China hapa nchini Tanzania Wang Ke ofisini kwake, Ofisi Ndogo ya Makao Makuu ya CCM, Lumumba jijini Dar es Salaam, leo
Katibu Mkuu wa CCM Komredi Abdulrahman Kinana akizungumza na Balozi wa China hapa nchini Tanzania Wang Ke ofisini kwake, Ofisi Ndogo ya Makao Makuu ya CCM, Lumumba jijini Dar es Salaam, leo
 Mazungumzo yakiendelea
 Katibu Mkuu wa CCM Komredi Abdulrahman Kinana akimsindikiza mgeni wake, Balozi wa China hapa nchini Tanzania Wang Ke baada ya mazungumzo yao, ofisini kwake, Ofisi Ndogo ya Makao Makuu ya CCM, Lumumba jijini Dar es Salaam, leo. kushoto ni Katibu wa NEC Siasa na Uhusiano wa Kimataifa Kanali Mstaafu Ngemela Lubinga.
 Katibu Mkuu wa CCM Komredi Abdulrahman Kinana akiagana na Balozi wa China hapa nchini Tanzania Wang Ke baada ya mazungumzo yao, ofisini kwake, Ofisi Ndogo ya Makao Makuu ya CCM, Lumumba jijini Dar es Salaam, leo
 "Byeee" Balozi wa China hapa nchini Tanzania Wang Ke, akimuaga Katibu Mkuu wa CCM Komredi Kinana wakati akiwa tayari kuondoka Ofisi Ndogo ya Makao Makuu ya CCM, Lumumba jijini Dar es Saslaam, leo. Kulia ni Katibu wa NEC ya CCM, Siasa na Uhusiano wa Kimataifa Kanali Mstaafu Ngemela Lubinga.


RAIS DKT MAGUFULI AKUTANA NA WATUMISHI WA WIZARA YA MAMBO YA NJE NA USHIRIKIANO WA AFRIKA MASHARIKI

Rais wa Jamhuri ya Muungano wa Tanzania Dkt. John Pombe Magufuli akiongea na watumishi wa Wizara ya Mambo ya Nje na ushirikiano wa Afrika Mashariki kwenye ukumbi wa mikutano wa Julius nyerere jijini Dar es salaam leo Januari 19, 2018. Kulia kwake ni Waziri wa Mambo ya Nje na Ushirikiano wa Afrika Mashariki Dkt. Augustine Mahiga, na Waziri wa Ujenzi, Mawasiliano na Usafirishaji wa Zanzibar Balozi Ali Karume,
 Rais wa Jamhuri ya Muungano wa Tanzania Dkt. John Pombe Magufuli  akisikiliza hoja zikitolewa na Balozi Celestine Mushi wakati alipoongea na watumishi wa Wizara ya Mambo ya Nje na ushirikiano wa Afrika Mashariki kwenye ukumbi wa mikutano wa Julius nyerere jijini Dar es salaam leo Januari 19, 2018. Kulia kwake ni Waziri wa Mambo ya Nje na Ushirikiano wa Afrika Mashariki Dkt. Augustine Mahiga, Waziri wa Uchukuzi na Mawasiliano Profesa Makame Mbarawa na Naibu Waziri wa Mambo ya Nje na Ushirikiano wa Afrika Mashariki Dkt. Suzan Kolimba.

 Rais wa Jamhuri ya Muungano wa Tanzania Dkt. John Pombe Magufuli akiongea na watumishi wa Wizara ya Mambo ya Nje na ushirikiano wa Afrika Mashariki kwenye ukumbi wa mikutano wa Julius nyerere jijini Dar es salaam leo Januari 19, 2018. 
 Mtumishi akieleza changamoto Wizarani  kwa Rais wa Jamhuri ya Muungano wa Tanzania Dkt. John Pombe Magufuli  wakati alipoongea na watumishi wa Wizara ya Mambo ya Nje na ushirikiano wa Afrika Mashariki kwenye ukumbi wa mikutano wa Julius nyerere jijini Dar es salaam leo Januari 19, 2018. 
 Rais wa Jamhuri ya Muungano wa Tanzania Dkt. John Pombe Magufuli  akimsikiliza Katibu Mkuu wa Wizara ya Fedha na Mipango Bw. Dotto James akitoa ufafanuzi wa hambo wakati alipoongea na watumishi wa Wizara ya Mambo ya Nje na ushirikiano wa Afrika Mashariki kwenye ukumbi wa mikutano wa Julius nyerere jijini Dar es salaam leo Januari 19, 2018. Kulia kwake ni Waziri wa Mambo ya Nje na Ushirikiano wa Afrika Mashariki Dkt. Augustine Mahiga, Waziri wa Uchukuzi na Mawasiliano Profesa Makame Mbarawa na Naibu Waziri wa Mambo ya Nje na Ushirikiano wa Afrika Mashariki Dkt. Suzan Kolimba. Kushoto kwake ni Waziri wa Ujenzi, Mawasiliano na Usafirishaji wa Zanzibar Balozi Ali Karume, Naibu Katibu Mkuu Wizara ya Mambo ya Nje na Ushirikiano wa Afrika Mashariki Balozi Ramadhani Mwinyi Muombwa, Mkurugenzi wa Idara ya Usalama a Taifa Dkt. Modestus Kipilimba.
 Rais wa Jamhuri ya Muungano wa Tanzania Dkt. John Pombe Magufuli na Waziri wa Mambo ya Nje na Ushirikiano wa Afrika Mashariki Dkt. Augustine Mahiga wakifurahia jambo baada ya Mhe. Rais kuongea na watumishi wa Wizara hiyo kwenye ukumbi wa mikutano wa Julius nyerere jijini Dar es salaam leo Januari 19, 2018. Picha na IKULU


UNNewsKiswahili: Hofu yaongezeka kwa wanawake na watoto wanaokimbia vita


Sekta Ya Habari Ina Wajibu Wa Kupongeza Mafanikio Ya Serikali: Dkt. Abbas

Na Beatrice Lyimo-MAELEZO, DODOMA

Mkurugenzi wa Idara ya Habari – MAELEZO Dkt. Hassan Abbas amesema Sekta ya habari inawajibu wa kupongeza mafanikio ya Serikali ikiwa ni pamoja na ujenzi wa reli ya kisasa, elimu bila malipo, ununuzi wa dawa pamoja na ununuzi wa ndege kubwa za kisasa.

Dkt. Abbas ameyasema hayo leo Mjini Dodoma wakati wa ziara yake ya kutembelea vyombo vya habari vilivyopo Dodoma ambapo leo ametembelea Redio A.FM na Nyemo FM kwa lengo la kuona na kujua changamoto za kiutendaji wanazokutana nazo pamoja na jinsi gani wamejipanga juu ya ujio wa Serikali kuhamia Dodoma kutokana na matukio mengi ya Serikali kufanyika Mkoani humo.

“Serikali inapaswa kuungwa mkono, yapo mambo mengi ya kimaendeleo ambayo yanatekelezwa na Serikali ya Awamu ya Tano katika sekta mbalimbali ila vyombo vyetu vya habari havitekelezi wajibu wake”

“Sisi kama vyombo vya habari tunawajibu wa kupongeza kwenye mafanikio, kama kuna watendaji wa Serikali wanakosea basi wakosolewe kwa kusema ukweli, hakina staha pale penye mapungufu na sio kwa kukejeli” amesisitiza Dkt. Abbas.

Aidha, Dkt. Abbas amevitaka vyombo vya habari mkoani humo kubadilika katika uandaaji wa vipindi wanavyo virusha kwa kuanza kuandaa vipindi vitakavyogusa mikoa yote na si Dodoma peke yake.“Dodoma sasa inawageni ambao ni watumishi wa Serikali zaidi ya 3000 kwa hiyo na wao wangependa kusikia habari na nyimbo za makabila yao kutoka kwenye redio zenu hivyo yawapasa kubadili utendaji kazi wenu” ameongeza Dkt. Abbas.

Vilevile amevitaka vyombo hivyo kuandaa vipindi vinavyohamasisha wananchi kufanya kazi, kulipa kodi pamoja na kuwaeleza wana thamani gani katika nchi.Kwa upande wake Meneja wa redio A.FM Tatenda Nyawo amesema kuwa redio Afm ipo katika harakati za kuongeza masafa ya redio hiyo kwa lengo la kupanua wigo wa matangazo yao kitaifa ili mikoa mingine iweze kupata habari mbalimbali kutoka Makao Makuu ya Nchi.

Mhariri wa A-fm Regina Mndeme ameongeza, “redio Afm tumejipanga vizuri kuhusu ujio wa Serikali kuhamia Dodoma kwa kufanya kazi kwa weledi na kutangaza rasimali zilizopo mkoani hapa”.
Mkurugenzi wa Idara ya Habari MAELEZO na Msemaji Mkuu wa Serikali Dkt. Hassan Abbasi akifanya mahojiano katika Kituo cha redio A Fm cha mjini Dodoma wakati wa ziara yake yakutembelea vyombo vya Habari Mkoani humo .
Meneja wa Kituo cha redio cha A Fm cha mjini Dodoma Bw. Tatenda Nyawo (kushoto) akisisitiza jambo kwa Mkurugenzi wa Idara ya Habari MAELEZO na Msemaji Mkuu wa Serikali Dkt. Hassan Abbasi wakati wa ziara yake katika Ofisi za Kituo hicho mapema leo.
Mkurugenzi wa Idara ya Habari MAELEZO na Msemaji Mkuu wa Serikali Dkt. Hassan Abbasi akifurahia jambo nammoja wa wamiliki wa Kituo cha redio cha A fm Bw. Emmanuel Rutagonya wakati wa ziara yake katika Ofisi za Kituo hicho mjini Dodoma.
Mkurugenzi wa Idara ya Habari MAELEZO na Msemaji Mkuu wa Serikali Dkt. Hassan Abbasi (katikati) akiwa kwenye picha ya pamoja na Watumishi wa Kituo cha redio Afm cha mjini Dodoma mara baada ya ziara yake katika kituo hicho.
Meneja wa Kituo cha redio Nyemo Bw. Hezron Mwandambo (kushoto) ya mjini Dodoma akitoa maelezo kwa Mkurugenzi wa Idara ya Habari MAELEZO na Msemaji Mkuu wa Serikali Dkt. Hassan Abbasi wakati wa ziara yake katika kituo hicho mapema leo.


Mkurugenzi wa Idara ya Habari MAELEZO na Msemaji Mkuu wa Serikali Dkt. Hassan Abbasi Dkt. Hassan Abbasi akiwa kwenye picha ya pamoja na watumishi wa Kituo cha redio Nyemo ya mijini Dodoma.(Picha zote na Frank Mvungi


INTRODUCING "NAMPA" BY PZONE FEAT MR.BLUE


VOA SWAHILI: Duniani Leo Januaryi 19, 2018


BBC DIRA YA DUNIA 19.01.2018


KUMBILAMOTO APOKEA MIFUKO 90 YA VIROBA VYA NILU KUTOKA TOL


Naibu Meya wa Manispaa ya Ilala, Omary Kumbilamoto akizungumza na Waandishi wa habari mara baada ya kupokea Mifuko 90 ya Nilu kutoka kiwanda cha Tanzania Oxygen Limited ambapo Nilu hiyo itatumika kwa ajili ya kupaka katika shule mbalimbali zinazojengwa ndani ya Halmashauri ya Manispaa ya Ilala.
Naibu Meya wa Manispaa ya Ilala, Omary Kumbilamoto akipokea viroba vya Nilu ambavyo vitatumika kupaka shule zilizopo katika Manispaa ya Ilala.
Karani kutoka kampuni ya Tanzania Oxygen Limited (TOL),Dorothy Katala akimuonesha Naibu Meya wa Manispaa ya Ilala, Omary Kumbilamoto, Idadi ya Viroba vya Nilu anavyotakiwa kuchukua .
Naibu Meya wa Manispaa ya Ilala, Omary Kumbilamoto, akisimamia upakiaji wa Viroba vya Nilu kwenye gari hili iweze kufika panapo husika.


WAZIRI WA MALIASILI NA UTALII, DK. HAMISI KIGWANGALLA ATEUA WAJUMBE WAPYA WA BODI YA MAMLAKA YA HIFADHI YA ENEO LA NGORONGORO



WAZIRI MKUCHIKA AWAFUNDA WALENGWA WA TASAF

NA ESTOM SANGA-MBEYA

Waziri wa nchi Ofisi ya Rais Menejimenti ya Utumishi wa Umma na Utawala Bora, Mheshimiwa George Mkuchika amewatembelea Walengwa wa Mfuko wa Maendeleo ya Jamii-TASAF katika halmashauri ya Jiji la Mbeya na kuwataka kuongeza jitihada zaidi za kujitegemea kwa kutumia ruzuku wanayoipata kwa kuanzisha miradi ya uzalishaji mali ili kukuza kipato chao.

Mheshimiwa Mkuchika amesema jitihada za serikali kupitia Mfuko wa Maendeleo ya Jamii-TASAF za kuhamasisha wananchi kuuchukia umasikini haziwezi kuwa endelevu ikiwa walengwa wa Mpango wa Kunusuru Kaya masikini hawatatumia fedha wanazozipata kubuni miradi ya uzalishaji mali.

“hiki mnachokipata kutoka serikalini kupitia TASAF kiwe chachu ya kuanzisha miradi ya uzalishaji mali ili hatimaye muweze kujitegemea” amesisitiza Waziri Mkuchika.Akiwa katika eneo la Shule ya Sekondari ya Lupeta katika jiji la Mbeya , shule ambayo TASAF imejenga jengo la Utawala na Maabara,Waziri Mkuchika ameeleza kuridhishwa na matokeo ya ujenzi wa majengo hayo na kupunguza kero iliyokuwa inawakabili walimu na wanafunzi shuleni hapo.

Aidha Mheshimiwa Mkuchika amekutana na vikundi vya uzalishaji mali vilivyoanzishwa na Walengwa wa TASAF kwa kutumia ruzuku ya fedha kupitia Mpango wa Kunusuru Kaya Maskini ambapo walengwa hao wamekuwa wakikopeshana fedha zinazotokana na uzalishaji wa bidhaa zikiwemo mikeka,na hivyo kuwaongezea uwezo wa kuhudumia kaya zao.

Hata hivyo Waziri huyo ametoa maagizo kwa uongozi wa mkoa wa  Mbeya kuhakikisha kuwa watu wanaonufaika na fedha za ruzuku kutoka TASAF ni wale wanaokidhi vigezo vya umasikini na kutaka fedha zilizolipwa kwa watu wasiostahiki zirejeshwe mara moja.

“rejesheni fedha za serikali ili ziwanufaishe walengwa wanaostahiki kupata ruzuku hiyo kama ilivyokusudiwa na serikali” ameonya Waziri Mkuchika.Kwa upande wake Mwakilishi wa Mkurugenzi Mtendaji wa TASAF,Bi. Mercy Mandawa ameishukuru serikali kwa kuendelea kuusimamia kikamilifu Mfuko wa Maendeleo ya Jamii TASAF ili uendelee kusaidia jitihada za kuwaondolea wananchi kero ya umaskini.

Amesema tangu kuanzishwa kwa Mpango wa Kunusuru Kaya Masikini ,kumekuwa na mwitikio chanya kwa walengwa kutumia ruzuku hiyo kuboresha maisha yao huku mkazo ukiwekwa katika kuboresha elimu,afya na lishe kwa watoto wanaotoka  kwenye kaya za walengwa huku akisisitiza juu ya matumizi sahihi ya ruzuku inayotolewa kila baada ya miezi miwili.
Waziri wa Nchi Ofisi ya Menejimenti ya Utumishi wa Umma na Utawala Bora  Mhe. George Mkuchika (aliyevaa suti nyeusi) akikagua bidhaa zilizotengenezwa na Walengwa wa TASAFkatika mtgaa wa Inyala katika jiji la Mbeya  kama njia mojawapo ya kujiongezea  kipato. 

 Waziri Mkuchika (aliyevaa tai) akimsikiliza mmoja wa wanafunzi wa shule ya sekondari ya Lupeta katika jiji la Mbeya alipotoa maelezo ya maabara iliyojengwa na TASAF shuleni hapo.
Waziri wa nchi ofisi ya Rais Menejimenti ya Utumishi wa Umma na Utawala Bora Mhe. George Mkuchika akikagua jengo la maabara lililojengwa na Mfuko wa Maendeleo ya Jamii-TASAF katika shule ya Sekondari ya Lupeta katika halmashauri ya jiji la Mbeya.


BENKI YA DUNIA YATOA UFADHILI WA SHILINGI BIL. 47 KUHIFADHI RASILIMALI YA BONDE LA MTO WAMI - RUVU.

 Na. Lilian Lundo - MAELEZO, Dodoma.
Benki ya Dunia imetoa ufadhili wa shilingi Bilioni 47 kutekeleza mradi wa uhifadhi wa rasilimali za maji awamu ya pili katika bonde la mto Wami.

Akizindua mradi huo mapema leo, Mjini Dodoma Waziri wa Maji na Umwagiliaji Mhandisi Isack Kamwelwe amesema kuwa Tanzania ina jumla ya mabonde tisa ya maji lakini mabonde hayo yameathiriwa kwa kiasi kikubwa na shughuli za kibinadamu na kiuchumi zinazosababisha kupungua kwa maji katika mabonde hayo.

"Fedha hizi zilizotolewa na Benki ya Dunia zitaenda kutoa elimu kuanzia ngazi ya juu mpaka mwananchi wa kawaida juu ya njia za kutumika kutunza rasimalimali za maji ndani ya hifadhi ya bonde la mto Wami," alisema Mhandisi Kamwelwe. 

Aidha Mhandisi Kamwelwe amewataka wananchi na viongozi watakaopata elimu hiyo kutunza   rasilimali hiyo wao wenyewe kwa kutofanya shughuli za kibinadamu na za kiuchumi ndani ya hifadhi la bonde hilo.

Kwa upande wake, mwakilishi wa Benki ya Dunia Alex William amesema kuwa jukumu la utunzaji wa rasilimali za maji ni za kila mwananchi, kiongozi pamoja na taasisi za umma na binafsiHivyo amewata Watanzania kupitia mradi huo kutunza rasilimali hiyo ili kuongeza kiwango cha maji ndani ya bonde hilo ambayo yatatumika katika shughuli za nyumbani, viwandani, mashambani  katika shughuli za uvuvi pamoja na utalii.

Naye, Kaimu Katibu Mkuu wa Wizara ya Maji na Umwagiliaji Mhandisi Nazifa Kemikimba amesema mradi huo utasaidia upatikanaji wa maji katika Jiji la Dar es Salaam na mikoa ya karibu ukiwemo mkoa wa Morogoro.


Introducing "UTATULIA" by Lavalava


Zuriel’s 3 Country Film Class Ends in Abidjan, After Accra & Lagos Stops

The UN’s 17 Sustainable Development Goals towards a better world by 2030 wraps around a myriad of action areas, including Girls/Gender Development & Quality Education, areas 4 & 5. 

Believing that Education is more than what is learned in school, Zuriel Oduwole then 13 years old, launched her basic “Film Making 101 Class” for 25 Girls in Namibia, back in February 2016. It was one of several initiatives over a 4 year period that got her honored by the US Secretary of State in January 2017 in Washington DC. 

The film making program with the support of Sahara Group, has just completed across 3 ECOWAS countries of GhanaNigeria and Cote D’Ivoire While the classes in Nigeria and Ghana featured traditional and vocational School Girls aged between 15 and 19, the class in Abidjan – Cote D’Ivoire was delivered for women between the ages of 19 and 38 – most with social, economic, domestic, cultural and environmental challenges, who were looking for a second chance in life, and hopefully, participate in the New Digital Economy.


USAJILI NDANI YA HALMASHAURI YA WILAYA YA MBULU

Usajili katika kata za Uhuru, Ayamohe, Ayamami, Imboru, Silaloda umemalizika wilayani Mbulu huku wananchi wakimininika kuendelea na Usajili kwenye Kata za Daudi, Marang, Gidamba, Gehandu na Titiwi huhu vijana wakijitokeza kwa wingi baada ya kutambua umuhimu wake katika masuala ya Elimu.

Ndg. Prosper Alfred Marmo mkazi wa Kata ya Daudi Kijiji cha Moringa, Kitongoji cha Magasi amesema ameona ni vyema akatii agizo la Serikali ili apate Kitambulisho kitakachomtambulisha kupata huduma mbalimbali ikiwemo mikopo ya elimu ya juu pindi wakati utakapofika.

Akizungumzia zoezi la Usajili linaloendelea kwa sasa Wilayani Mbulu; Afisa Usajili Halmashauri ya Wilaya ya Mbulu Bi. Amina Farijala amesema pamoja na kwamba msimu huu ni wakilimo na wananchi wengi wako kwenye shughuli za kilimo mwitikio wao umekuwa mkubwa hasa nyakati za mchana na hivyo kuwaasa kupanga vizuri shughuli zao ili kujitokeza kwa wingi nakwa wakati kusajiliwa.“ Mwitiko hawa wa kundi la wazee umekuwa mkubwa na kutumia moyo hasa tunapoona wazee wanafika kwenye vituo kusajiliwa” alisema

Kwa sasa NIDA inandelea na zoezi la Usajili kwa mikao 19 ya Tanzania Ikiwemo Manyara na inakusudia kufikia Desemba 2018 zoezi hili kuwa limemalizika nchi nzima na wananchi kuanza kutumia Utambulisho wao kwa shughuli mbalimbali za kiuchumi na kimaendeleo.
Afisa Msajili Halmashauri ya Mji wa Mbulu Ndg. Amina Farijala akitoa maelekezo

Wananchi Kijiji cha Moringa Halmashauri ya Mji ya Mbulu wajitokeza Kusajiliwa Vitambulisho vya Taifa.
Wananchi Kata ya Daudi Halmashauri ya Mji ya Mbulu wakiwa wamepanga foleni tayari kusajiliwa Vitambulisho vya Taifa.
Ndg. Emmanuel Safari Amnaay mkazi wa Kitongoji cha Malasi (kulia) akiwa na Ndg. Josephati Faustini Masay mkazi wa Malasi kwa pamoja wakijaza fomu ya maombi ya Kitambulisho cha Taifa wakati wa zoezi la Usajili linaloendelea.


JKCI yakabidhiwa wodi ndani ya jengo la wodi ya watoto

 
 Mkurugenzi wa Idara ya Uuguzi wa Hospitali ya Taifa Muhimbili  (MNH) ) Agnes Mtawa akimkabidhi Mkurugenzi wa Idara ya Uuguzi  wa Taasisi ya Moyo Jakaya Kikwete (JKCI) Robert Mallya funguzo za baadhi ya wodi zilizopo ndani ya  jengo la wodi ya watoto  ambazo Hospitali hiyo imezitoa kwa JKCI ili wazitumie kutokana na   uhaba wa wodi ya watoto walionao.
 Mkurugenzi wa Idara ya Uuguzi wa Hospitali ya Taifa Muhimbili  (MNH) ) Agnes Mtawa akitoa maelezo kwa viongozi wa Taasisi ya Moyo Jakaya Kikwete (JKCI) kuhusu wodi zilizopo ndani ya jengo la watoto ambazo  Hospitali hiyo imezitoa kwa Taasisi hiyo  ili wazitumie kutokana na uhaba wa wodi ya watoto walionao.
 Viongozi wa Taasisi ya Moyo Jakaya Kikwete (JKCI) wakiongozwa na Mkurugenzi wa Idara ya Uuguzi wa Hospitali ya Taifa Muhimbili  (MNH) ) Agnes Mtawa kuangalia wodi zilizopo ndani ya jengo la wodi ya watoto ambazo  Hospitali hiyo imezitoa kwa Taasisi hiyo  ili waweze kuzitumia kutokana na uhaba wa wodi ya watoto walionao.
 Wodi zilizopo ndani ya jengo la wodi za watoto ambazo  Hospitali ya Taifa Muhimbili (MNH) imezitoa kwa Taasisi ya Moyo Jakaya Kikwete (JKCI)  ili wazitumie kutokana na uhaba wa wodi ya watoto walionao.

Picha na JKCI


SHONZA:HATUTAMUANGALIA USONI MTU YEYOTE ATAKAYEKIUKA MAADILI YA MTANZANIA


Athman Kambi aomba Radhi Wadau wa Soka-Mtwara.

Kutokana  na Kamati ya Maadili Kuwakuta na Hatia Viongozi wawili Wa Shirikisho la Soka TFF akiwemo Msimamizi wa  Mchezo Mkoa wa Mtwara Dastan Mkundi pamoja na katibu Mku wa Chama Hicho Mkoa wa Mtwara Kizito Mbano Mwenyekiti wa soko Mkoa wa Mtwara Athman Kambi amewaomba radhi Mashabiki wa soka Mkoa wa Mtwara kwa Kashfa Hiyo.

Kwa Mujibu wa kamati ya Maadili Aliyekuwa Msimamizi wa Mchezo wa Ndanda FC dhidi ya Simba  tarehe 30 amehukumiwa  kifungo cha  Maisha Kutojihusisha na Soka kutoka na kosa LA Kughushi na Udanganyifu wa Mapato ya Mchezo huo ikiwa ni kinyume cha Kanuni ya Kifungu 32(2) na ile ya 32(4) pamoja na Katibu mkuu wa chama hicho Mkoa wa Mtwara  Kizito Mbano kwa Mujibu wa Kanuni za Maadili za TFF kifungu 73( 7) na amehukumiwa Miaka mitano Kutojihusisha na Soka huku Suleiman Kachele Kupewa Onyo

Akiongea mara baada ya Taarifa hizo Athman Kambi amesema swala la soka linahitaji uaminifu ili kuweza kusaidiwa na wadau wa soka.Lakini nao baadhi ya wadau wa soka wamesema bado kuna mapato yanapotea hasa katika mechi kubwa ambazo zinachezwa Mkoa wa Mtwara.

 Kwa mujibu wa kanuni za Chama cha Soka Nchini TFF Baada ya kamati ya Maadili kutoa Hukumu watuhumiwa wanaweza kukata Rufaa katika kamati ya Rufaa ya maadili na wanaweza wakasikilizwa Upya.
 


MICHUZI TV: SERIKALI YAKATAZA KULIMA PAMBA KWA MKATABA


MICHUZI BEAT: ENOCK BELLA AZUNGUMZIA UJIO WAKE MPYA..


MUONEKANO WA SOKO LA SAMAKI BAGAMOYO

Wachuuzi wa Samaki wakisubiri kununua kitoweo katika Soko la samaki la Wilaya ya Bagamoyo, Bei ya samaki katika soko hilo imeongezeka kutokana kupatikana na shida kutokana na mabadiliko ya hali y Hewa.
Mvuvi akiwauzia wachuuzi samaki katika soko la samaki la wilaya ya Bagamoyo.
Mwananchi akiwa amepumzika kando ya soko la samaki la wilaya ya bagamaoyo. Picha na Emmanuel Massaka,Globu ya jamii.